Ocorría no ano 2000
A Consellería de Pesca dividía fai vinte anos os ámbitos territoriais de Cariño e Cedeira para a captura do percebe. En concreto, o límite establecíase en Pedra Barcelona. «Os bancos perceberos do Cadro pasarán a ser xestionados na súa integridade pola confraría cariñesa, e os mariscadores que non pertenzan a devandita entidade non poderán faenar legalmente nos mesmos», informaba La Voz.
Desde o ano 1979, explicaba o xornal, os estatutos da confraría de Cedeira recollían que esta comprendía desde a punta do Cadro ata a praia de Meirás mentres que os do depósito cariñés especificaban que o seu ámbito abarcaba desde a desembocadura do río Mera ata as illas Gabeiras, na zona de San Andrés de Teixido.
Os novos lindes que se fixaron nese momento sinalaban para Cedeira desde punta Frouxeira ata Pedra Barcelona e os de Cariño desde este punto ata a desembocadura do río Mera.
A resolución foi tomada, informaba La Voz, polo conselleiro do Mar a instancias da comisión de arbitraxe designada para dirimir a disputa polo solapamiento do tramo costeiro que vai desde as illas Gabeiras ata punta do Cadro.
Link: http://www.lavozdegalicia.es
novasdecedeira 