A banda cedeiresa protagoniza esta semana a sección Músicas de Ferrolterra, en «Voces de Ferrol»
O vocalista da banda cedeiresa “Los Eternos”, Cudi, protagoniza esta semana a sección Músicas de Ferrolterra, o espazo que forma parte do programa Voces de Ferrol que se emite a través de Radio Voz de 12 a 14 horas.
O grupo segue evolucionando, desenvolvendo melodías que transcenden o son americano característico do grupo, abrazando estilos como o pop, o country alternativo, ou o western.
A Steel guitar de Álvaro Lamas segue sendo un elemento de identidade destacado, do mesmo xeito que o predominio de harmonías e melodías, e os coidados arranxos. O grupo prepara o lanzamento de Sonora, o seu novo disco o 9 de outubro, acompañado de xira de presentación con datas xa calendadas na comarca.
Este venres están na sala Guion de Pontedeume, o 6 de novembro actuarán na Room en Ferrol e o 18 de decembro no Auditorio de Cedeira. Esta semana aproveitan a súa presenza no espazo de Radio Voz para lembrar vellos temas e presentar un adianto do novo disco.
novasdecedeira 