O froito dunha longa e brillante tradición musical
A Asociación Vasca de Acordeón Hauspoz de Mondragón organizou durante esta fin de semana o certame internacional de acordeón Arrasate Hiria no que Galicia e a área de Ferrol estivo representada coa participación dos 17 alumn@s do acordeonista Xavier Díaz Carrasco, vicepresidente da Asociación de Acordeonistas de Canido e ademais profesor da Escola de Música de Cedeira e fundador da laureada Asociación de Acordeóns de Cedeira, que comezou a funcionar no ano 2013 debido ao interese dos pais dos alumnos que estudaban acordeón nesa localidade.
Os mozos músicos cedeireses resultaron seleccionados no tres categorías de cámara, ademais o xurado elixiu os arranxos do tres pezas galegas. Xavier, contento tras as actuacións, comentaba que nelas trataron de reivindicar o marabilloso patrimonio musical de Galicia e que «diso e da alegría dos nenos é do que sinto máis orgulloso». Engadía que «resulta emocionante e diferente escoitar a nosa música fóra de Galicia». O domingo celebrábase a gala de entrega de premios do XXXIII Festival de Acordeón de Arrasate e o luns, tamén no Teatro Amaia, tivo lugar a Gala de Clausura dos Certames de Acordeón de Arrasate e a entrega de premios dos Certames Internacional e Gipuzkoa.
novasdecedeira 