LA VOZ
CEDEIRA
La Voz de Galicia
Rubido tacha de «malgasto» dedicar 36.000 euros (a suma de dous Nadais) a este fin
O PP tacha de «malgasto» o desembolso de 36.000 euros polo alugueiro dunha pista de xeo sintético durante seis semanas (as das últimas Nadais), por parte do Concello de Cedeira. «Sería máis que suficiente para adquirir unha en propiedade», sostén o portavoz municipal.
Para Luís Rubido isto ilustra «a mala xestión» dos gobernos do socialista Pablo Moreda. «Nestes oito anos nin houbo racionalización do gasto, nin investimento en prioridades, nin autocrítica cando os recursos públicos desperdiciáronse por decisións erróneas», argüe.
O concelleiro conservador alude a dous casos: a cubrición da coñecida como praza dos Cabalos, por 330.000 euros, «que darían para a construción dun centro de día ou para estender a rede de auga municipal a todas as aldeas»; ou «a obsesión de Moreda» por ampliar o centro de saúde, «no canto de optar desde un principio por construír un novo, erro que supuxo a perda de miles de euros».
novasdecedeira 