LA VOZ
CEDEIRA
O prazo de presentación dos contos finalizará o 14 de maio
A iniciativa Eufundevivo convoca o terceiro certame de relato curto do mesmo nome, co que pretende apoiar o proxecto do Xeoparque do Cabo Ortegal. Para iso propón escribir sobre unha viaxe xeolóxica a San Andrés de Teixido.
O premio inclúe unha visita guiada a esta aldea cedeirense para un máximo de cinco persoas, un diploma acreditativo, un cadro dun artista local, a publicación do relato nos medios dixitais de Eufundevivo, varios produtos desta marca e sanandresiños (amuletos elaborados con faragulla de pan, típicos desta pequena localidade de Cedeira).
O 14 de maio será o último día para enviar os textos (de entre dous e dez páxinas) á dirección info@eufundevivo.es. Os participantes ceden os dereitos «en exclusiva» a Eufundevivo para a súa posible publicación.
novasdecedeira 