MANUEL COUCE
TRES APUNTES
Corrían os anos cincuenta do pasado século e había en Ferrol unha gran afección ao fútbol modesto. Eran competicións de intenso ritmo, xogo afiligranado e rivalidade entre equipos dos barrios de Esteiro, Canido, Caranza, e en San Juan de Filgueira estaba o Libunca, ao que os seus seguidores acompañaban ao berro de opa Libunca! Eran tempos dos tatarabuelos do Partido Popular, e que hoxe os seus tataranietos recuperan a memoria do vello slogan e colocan opa Ferrol!, para as eleccións municipais. A verdade é que me parece isto moi futboleiro e que pouco ten que ver co escarceo político que estes días están a librar os candidatos, falando con puídas frases de urbanismo, emprego, e sobre o que hai que facer para que todos podamos comer quente e durmir con alguén. O de opa Ferrol! puido ser un trastorno nervioso dos asesores de Rey Varela, e é lóxico que así estean, a pesar da enquisa da Voz.
O roteiro de San Andrés de Teixido con saída de Ferrol, pasando polos municipios de Narón, Valdoviño, e Cedeira, non ten unha resposta das autoridades co venerable en San Andrés e os seus lugares montañosos, que son frecuentados por organizacións espontáneas de xente, para ver a súa embravecido mar, as casas brancas de dimensión humana. Son veciños de toda a vida, peregrinos que comen cos dedos, citas amorosas e unha capela discretamente remocicada con soleira antiquísima, din algúns, dos tempos de Rómulo e Remo. Eses encantos deben ser realzados polos concellos mancomunados, para que San Andrés de Teixido non siga esquecido.
Denuncia que algo queda. Esta frase brota directamente dos que buscan leala, como é o caso de Cuarzo Producións Artísticas, que denunciou ao Concello pola tramitación incorrecta de contratos fraccionados das festas da cidade.
Non se o que pode dar de si ese escrito con membrete presentado no xulgado, sabemos algo sobre as actividades do cuarzo na arte. Por iso cheira a chamusquina que, despois de catro anos, presenten unha denuncia, precisamente agora, en plena campaña electoral. E como os denunciantes son de conciencia raída, seguro que esperaban, ademais, que o alcalde, Ángel Mato, saíse desanimadamente e tirase das orellas aos implicados. Pois non acertaron, fíxoo vigorosamente como é o seu estilo e despexou dúbidas sobre o malo leite que teñen uns poucos contra este goberno municipal.
novasdecedeira 