Primeiro ano da empresa fundada polo cedeirés Pepe Breijo
Tras case dúas décadas nunha empresa de enerxías renovables, Pepe Breijo creou na súa localidade de orixe, a vila de Cedeira, unha empresa de turismo activo e deporte de aventura, na que ofrece roteiros de sendeirismo, trail e bicicleta. Foto: Kiko Delgado / EFE. / kiko delgado
Tras 18 anos traballando na fábrica de Siemens Gamesa nas Somozas, que pechou en 2021, Pepe Breijo non o dubidou e fixo realidade o seu soño de contar cunha empresa de turismo activo nunha “contorna privilexiada” para este tipo de actividades, a comarca de Ferrolterra.
Así naceu Portal Norte, unha firma coa que non se cansa de reivindicar o potencial da zona de cantís da súa vila, Cedeira, ou recunchos como San Andrés de Teixido, que reciben a “cada vez” máis xente. Afirma que no seu primeiro ano xa palparon a aceptación de propostas como o alugueiro de bicicletas eléctricas, que en “verán funcionaron que dá xenio”.
“O clima é o que máis sorprende, fixemos roteiros en agosto chovendo e houbo xente de Madrid que nos dixo que por isto tiñamos que cobrar”, expresa Breijo, que engade a capacidade de sedución da gastronomía como outro aliciente para captar a máis visitantes.
Considera que a área de Ferrol é “un paraíso para o turismo” ao estar afastada da masificación e confírmao tras dar o salto á profesionalización nun ámbito no que, en realidade, xa traballada desde hai “moitos anos”.
Trasladaba a amigos e “amigos deses amigos” á serra da Capelada ou á praia de Teixidelo, sinalada como a única de area negra de orixe non volcánico en todo o mundo.
Pepe Breijo decidiuse hai dous anos e viu “unha oportunidade” ante o peche da factoría na que estaba empregado: “Ou me ía fóra a seguir traballando nesa industria ou tentaba vivir do que me gusta, confío moito no territorio que temos para este tipo de empresas”.
“Tengo una niña que va a cumplir dos años, prefiero quedarme en el pueblo y verla todos los días que estar por el mundo cambiando aerogeneradores”, resalta; desde que hizo firme su propuesta, tanto las bicicletas eléctricas como las rutas de senderismo o de trail running son los platos principales de su menú, “sobre todo en verano”.
Admite que o “maior hándicap é a temporalidade, hai que pelexar moito”, pero mostra a súa “esperanza” na concesión de Geoparque á que aspira a contorna de Cabo Ortegal ante a Unesco.
Segundo Breijo, “vai abrir unha porta bastante grande” en relación a ese afán pola desestacionalización, contra o que tamén loitan outras iniciativas nos municipios da comarca, desde onde xa se propoñen roteiros en barco ou se habilitou a única vía ferrata de Galicia, todo un reclamo no deporte de aventura.
Eses proxectos levan ao impulsor de Portal Norte a indicar que empeza “a haber interese empresarial na zona por este tipo de actividades”, que congregan en xullo e agosto, en máis dun “90 %”, a “xente de fóra”, particularmente coas bicicletas eléctricas.
“Poñémoschas onde queiras, queres cinco na porta e poñémoschas aí; despois recollémosche onde queiras”, destaca, para valorar ademais as “sinerxias entre empresas”, xa que está “a empezar a traballar cunha axencia de viaxes” con base en Ferrol para que a súa planificación tamén vire ao redor do Camiño de Santiago.
Non é a única senda na que fixou a súa atención, xa que se confesa “moi obsesionado” co camiño a San Andrés de Teixido; colaboracións, engade, que pasan por ser “a maneira correcta de traballar”.
Breijo remarca que Ferrolterra débese explotar “turisticamente dunha maneira moi respectuosa, non queremos as masificacións”, e achega o exemplo dos seus grupos de sendeirismo, que nunca “exceden de oito persoas”.
Iso si, segue facendo referencia a un dos seus grandes ganchos, as bicicletas eléctricas, porque achegan “a calquera tipo de público á contorna”, mesmo con percorridos aparentemente duros como o que une Cedeira con Cariño atravesando as espectaculares paisaxes de Corveiro, Punta Candieira, San Andrés de Teixido ou Herbeira.
“A cara de satisfacción que a xente tiña cando os recollía en Cariño merece a pena, senten Induráin; preguntaban como era posible que fixesen 40 quilómetros por semellante territorio”, asevera; tan incrible que a súa promesa está ben clara: “Estamos namorados de Ferrolterra e queremos poñela no mapa do turismo activo”.
novasdecedeira 